“Aydın yol” qəzeti yaxın günlərdə işıq üzü görəcək
Azərbaycan Respublikasının Nazirlər Kabineti yanında Tərcümə Mərkəzinin həftəlik mətbu orqanı olan "Aydın yol" qəzeti yaxın günlərdə işıq üzü görəcək. Mərkəzin məsul işçiləri və qəzet əməkdaşlarının iştirakı ilə "Aydın yol"un son hazırlıq iclası keçirilib. İclasda qəzetin fəaliyyət istiqaməti, toxunacağı problemlər, gələcək iş planları müzakirə edilib.
Müzakirə zamanı Mərkəzin "Elm, təhsil və mədəniyyət" şöbəsinin müdiri Yaşar Əliyev əməkdaşlara yeni işlərində uğurlar arzulayaraq, qəzetin Azərbaycan mətbuatında öz yerini tutacağına inandığını vurğuladı. Daha sonra qəzetin baş redaktoru Fəxri Uğurlu çıxış edərək mətbu orqanın nəşrinə hazırlıq prosesindən, rubrikalardan, görürən və görüləcək işlərdən danışdı.
Sonda Mərkəzin əməkdaşı Mahir Qarayev, "Aydın yol" qəzetinin şöbə müdiri Nəriman Əbdülrəhmanlı və digər iclaş iştirakçıları da öz fikirlərini bölüşüb, təkliflərini verdilər.
Qalereya
VƏ DİGƏR...
-
İsi Məlikzadə yaradıcılığı Almaniya elektron ədəbiyyat jurnalında
Almaniyanın populyar “LESERING.de” elektron ədəbiyyat jurnalı Dövlət Tərcümə Mərkəzinin “Azərbaycan ədəbiyyatı beynəlxalq virtual aləmdə” layihəsi çərçivəsində tanınmış Azərbaycan yazıçısı İsi Məlikzadənin alman dilinə tərcümə edilmiş “Duz” hekayəsinin yayınına başlayıb.
-
Mövlud Mövludun hekayəsi Türkiyə portallarında
Türkiyənin populyar “Detayhaberler.com”, “Dibace.net”, “Haber.232.com” portalları Dövlət Tərcümə Mərkəzinin “Ən yeni Azərbaycan ədəbiyyatı” layihəsi çərçivəsində həyatdan vaxtsız getmiş istedadlı yazıçı Mövlud Mövludun türk dilinə...
-
“Azərbaycan dilinin orfoqrafiya lüğəti”ndən çıxarılan sözlərin Təsnifatı” kitabı nəşr olundu
Dövlət Tərcümə Mərkəzi “Azərbaycan dilinin orfoqrafiya lüğəti” (Nəsimi adına Dilçilik İnstitutu; 2013-cü və 2021-ci il nəşrləri) kitabından çıxarılan orfoqrafik, qrammatik qüsurların, milli mentallığımıza kölgə salan əcaib mənalı söz...