Çex Respublikasının səfiri: “Mərkəzlə əməkdaşlığımızı genişləndirməliyik”

Çex Respublikasının səfiri: “Mərkəzlə əməkdaşlığımızı genişləndirməliyik”

   İyunun 2-də Çex Respublikasının ölkəmizdəki fövqəladə və səlahiyyətli səfiri cənab Milan Ekert və səfirliyin missiya rəhbərinin müavini Daniel Putik Dövlət Tərcümə Mərkəzində olublar.

  Görüş zamanı Mərkəz tərəfindən müxtəlif illərdə Azərbaycan dilində ərsəyə gətirilmiş Çex ədəbiyyatı nümunələri ətrafında fikir mübadiləsi aparılıb, Azərbaycan–Çexiya ədəbiyyatlararası əlaqələrin genişləndirilməsi istiqamətində atılacaq növbəti addımlar müzakirə edilib.

  Səfir: “Mərkəzin Çex ədəbiyyatına və dilinə ayırdığı diqqətdən hər zaman qürur hissi duymuşuq. Çex yazarlarının əsərlərinin mütəmadi olaraq “Xəzər” jurnalının səhifələrində işıqlandırılması, Yaroslav Haşek, Karel Sis, İvan Klima, Milan Kundera kimi görkəmli Çex ədiblərinin əsərlərinin Azərbaycan dilinə mükəmməl səviyyədə tərcüməsini və nəşrini təqdirəlayiq hesab edirik. Bu il Praqada işıq üzü görəcək “Azərbaycan ədəbiyyatı antologiyası”nın Çex ədəbi mühitinə, Çex–Azərbaycan ədəbi-mədəni əlaqələri sahəsinə çox dəyərli töhfə olacağını düşünürük və səfirlik olaraq Mərkəzlə bu sahədə əməkdaşlığın daha da genişləndirilməsini məqsədəuyğun hesab edirik. Azərbaycanın klassik və müasir ədəbiyyatının Çex oxucusuna yaxından tanıdılmasına, sözün əsl mənasında, böyük ehtiyac var”.

   Görüşün sonunda səfirliyin adından Mərkəzə Praqanın qədim memarlığını əks etdirən, nəfis tərtibli “Praqa”“Praqa əfsanələri” kitabları hədiyyə edilib.

 

Qalereya

VƏ DİGƏR...

  • Heydər Əliyev haqqında kitab İspaniya kitabxanalarında Heydər Əliyev haqqında kitab İspaniya kitabxanalarında

    Dövlət Tərcümə Mərkəzinin İspaniyada ərsəyə gətirdiyi “Vida de personas notables – Heydar Aliyev” (“Görkəmli şəxsiyyətlərin həyatı – Heydər Əliyev”) kitabı Madridin aşağıdakı mərkəzi kitabxana və universitetlərinə yerləşdirilib.

  • Rəbiqə Nazimqızının şeirləri İspaniya ədəbiyyat portalında Rəbiqə Nazimqızının şeirləri İspaniya ədəbiyyat portalında

    İspaniyanın populyar “Trabalibros” ədəbiyyat portalı Dövlət Tərcümə Mərkəzinin “Ən yeni Azərbaycan ədəbiyyatı” layihəsi çərçivəsində gənc, istedadlı şair Rəbiqə Nazimqızının ispan dilinə tərcümə edilmiş “Narahat şeir”, “Mənə bir şəkil göndər” şeirlərinin yayınına başlayıb.

  • ADTM Tərcümə Agentliyinin saytı fəaliyyətə başladı ADTM Tərcümə Agentliyinin saytı fəaliyyətə başladı

    Ölkə üzrə tərcümə işinin düzgün təşkili, tərcümə xidməti keyfiyyətinin təkmilləşdirilməsi məqsədilə Azərbaycan Dövlət Tərcümə Mərkəzinin nəzdində təsis edilmiş ADTM Tərcümə Agentliyinin adtm.az. saytı fəaliyyətə başladı.