Misir Mədəniyyət Mərkəzinin mədəniyyət attaşesi və müdiri Əhməd Sami Elaydy ilə Azərbaycan Respublikasının Nazirlər Kabineti yanında Tərcümə Mərkəzinin (AzTM) direktoru Afaq Məsud arasında qarşılıqlı əməkdaşlıq görüşü keçirilib.

Görüş zamanı Azərbaycan mədəniyyətinə, ədəbiyyatına və Qarabağ probleminə aid siyasi, elmi və bədii kitabların tərcümə məsələləri müzakirə edilib. Habelə, Misir Ərəb Respublikasının Milli Tərcümə Mərkəzi ilə AzTM arasında yaradıcı əlaqələrin qurulması, Misirdə keçiriləcək beynəlxalq sərgi-yarmarkalarda ölkəmizin təmsil olunması məsələləri ətrafında söhbət aparılıb. Gündəmə gətirilən məsələləri Mərkəz yaxın zamanlarda həyata keçirməyə başlayacaq.