Salam Sarvanın kitabı Kiyevdə təqdim olundu

Salam Sarvanın kitabı Kiyevdə təqdim olundu

Ukrayna Milli Ədəbiyyat Muzeyində müasir Azərbaycan şairi Salam Sarvanın əsərləri toplusunun təqdimat mərasimi keçirilib.

Boğulmaq da olmur, dayazdı dünya” («І потонути неможливо, неглибокий цей світ...») adlanan kitabın nəşri Azərbaycan Dövlət Tərcümə Mərkəzinin layihəsidir. Kitabın nəşri və təqdimatı Ukrayna Milli Elmlər Akademiyasının Taras Şevçenko adına Ədəbiyyat İnstitutunun və “Sammit-kniqa” nəşriyyatının dəstəyi ilə həyata keçirilib.

AZƏRTAC xəbər verir ki, təqdimat mərasimində Ukrayna Milli Elmlər Akademiyasının Taras Şevçenko adına Ədəbiyyat İnstitutunun direktor müavini, akademik Nikolay Sulıma tədbiri açaraq Ukrayna ilə Azərbaycan arasında qədim tarixə malik fundamental ədəbi əlaqələri barədə söhbət açıb. O qeyd edib ki, bu tədbir Ukrayna-Azərbaycan ədəbi əməkdaşlığının fəallaşmasına böyük töhfə olacaq.

Ukrayna Milli Ədəbiyyat Muzeyinin böyük elmi işçisi Sofiya Fecora tədbirdə çıxış edərək vurğulayıb ki, təmsil etdiyi muzey Azərbaycan Dövlət Tərcümə Mərkəzi ilə əməkdaşlıq üçün həmişə açıqdır və həmin Mərkəzin layihəsinin – Salam Sarvanın əsərləri toplusunun təqdimatına yardımçı olmağa şaddır.

Təqdimat mərasimində kitabın tərcüməçisi Lesya Mudrak, layihənin məsul katibi Marina Qonçaruk, Ukrayna Milli Aviasiya Universitetinin Beynəlxalq Münasibətlər İnstitutunun professoru Arif Quliyev, şairlər Dmitri Çistyak, Sergey Savin, Yuliya Qupalyuk, Taras Şevçenko adına Kiyev Milli Universitetinin Azərbaycan filologiyası müəllimi İrina Dəmirəzən, digər şairlər, ədəbiyyatçı və jurnalistlər də çıxış ediblər.

Rüstəm Məmmədov

Kiyev

Qalereya

VƏ DİGƏR...

  • Azərbaycan dilinin yeni orfoqrafiya lüğəti Türkiyədə nəşr olundu Azərbaycan dilinin yeni orfoqrafiya lüğəti Türkiyədə nəşr olundu

    Azərbaycan Dövlət Tərcümə Mərkəzinin 2023-cü ildə ərsəyə gətirdiyi yeni “Azərbaycan dilinin orfoqrafiya lüğəti” Türkiyənin Mədəniyyət Nazirliyi və Hacettepe Universitetinin dəstəyi ilə Ankarada işıq üzü görüb.

     

  • Azərbaycan poeziyası “Migel de Servantes” kitabxanasında Azərbaycan poeziyası “Migel de Servantes” kitabxanasında

    İspaniyanın geniş auditoriyalı “Migel de Servantes” virtual kitabxanası Dövlət Tərcümə Mərkəzinin “Azərbaycan ədəbiyyatı beynəlxalq aləmdə” layihəsi çərçivəsində Azərbaycanın klassik və müasir  poeziyasının... 

  • Səməd Vurğun yaradıcılığı İngiltərə və Finlandiya ədəbiyyat portallarında Səməd Vurğun yaradıcılığı İngiltərə və Finlandiya ədəbiyyat portallarında

    İngiltərənin populyar  “My poetic Side” və Finlandiyanın “Rakkausrunot” ədəbiyyat portalları Dövlət Tərcümə Mərkəzinin “Azərbaycan ədəbiyyatı beynəlxalq virtual aləmdə” layihəsi çərçivəsində Azərbaycanın Xalq şairi Səməd Vurğunun ingilis dilinə tərcümə olunmuş   “Dünya” və “Unut” şeirlərinin yayınına başlayıb.