Azərbaycan Respublikasının Nazirlər Kabineti yanında Tərcümə Mərkəzi 9-14 fevral tarixində Minskdə keçirilən ənənəvi Beynəlxalq Kitab Sərgisində iştirak edir
Fevralın 12-də sərgidə Azərbaycan Respublikasının Nazirlər Kabineti yanında Tərcümə Mərkəzinin təqdimatı, həmçinin, Azərbaycanla Belarus arasında ədəbi əlaqələrin inkişafına dair geniş tədbir baş tutub. Sərgi salonunun ümumi monitorunda Tərcümə Mərkəzinin fəaliyyətini əks etdirən videoçarx nümayiş etdirilmiş, geniş mətbuat konfransı keçirilib. Tədbirdə Azərbaycanın Belarusdakı səfirliyinin, Azərbaycan Mədəniyyət Mərkəzinin, Azərbaycanın Belarusdakı diaspor cəmiyyətinin nümayəndələri, Belarusun və Rusiyanın tanınımış yazıçı və naşirləri iştirak etmişlər. Azərbaycan və Belarus dilində şeirlər səslənmiş, hər iki xalqın milli mahnı və rəqsləri nümayiş etdirilib. Tədbirin sonunda Belarus İnformasiya Nazirliyinin «Zvezda» nəşriyyat evinin direktoru Aleksandr Karlyukeviçlə Tərcümə Mərkəzinin aparat rəhbəri Yaşar Əliyev arasında birgə layihələrlə bağlı müzakirələr aparılmış, müqavilələr imzalanmışdır.
Fevralın 11-də Almaniya, Rusiya, Türkiyə, İsrail və s. kimi ölkələrin yazarlarının qatıldığı "Beynəlxalq ədəbiyyat simpoziumu" çərçivəsində təşkil olunmuş «Yazıçı və zaman» seminarında iştirak edən nümayəndə heyətimiz - Yaşar Əliyev və Etimad Başkeçid "Müasir dövrdə tərcümənin aktuallığı, ədəbi əlaqələrin inkişafı" mövzusunda məruzələrlə çıxış ediblər.
Qalereya
VƏ DİGƏR...
-
Azərbaycan dilinin yeni orfoqrafiya lüğəti Türkiyədə nəşr olundu
Azərbaycan Dövlət Tərcümə Mərkəzinin 2023-cü ildə ərsəyə gətirdiyi yeni “Azərbaycan dilinin orfoqrafiya lüğəti” Türkiyənin Mədəniyyət Nazirliyi və Hacettepe Universitetinin dəstəyi ilə Ankarada işıq üzü görüb.
-
Azərbaycan poeziyası “Migel de Servantes” kitabxanasında
İspaniyanın geniş auditoriyalı “Migel de Servantes” virtual kitabxanası Dövlət Tərcümə Mərkəzinin “Azərbaycan ədəbiyyatı beynəlxalq aləmdə” layihəsi çərçivəsində Azərbaycanın klassik və müasir poeziyasının...
-
Səməd Vurğun yaradıcılığı İngiltərə və Finlandiya ədəbiyyat portallarında
İngiltərənin populyar “My poetic Side” və Finlandiyanın “Rakkausrunot” ədəbiyyat portalları Dövlət Tərcümə Mərkəzinin “Azərbaycan ədəbiyyatı beynəlxalq virtual aləmdə” layihəsi çərçivəsində Azərbaycanın Xalq şairi Səməd Vurğunun ingilis dilinə tərcümə olunmuş “Dünya” və “Unut” şeirlərinin yayınına başlayıb.