İngiltərənin populyar “Write Out Loud” ədəbiyyat portalı Dövlət Tərcümə Mərkəzinin “Azərbaycan ədəbiyyatı beynəlxalq virtual aləmdə” layihəsi çərçivəsində dahi Azərbay­can şairi Məhəmməd Füzuli­nin ingilis dilinə tərcümə edilmiş “Məni candan usandırdı” qəzəlinin yayınına başlayıb. Qəzəl görkəmli Azərbaycan bəstəkarı Cahangir Cahangirovun məşhur “Füzuli kantatası”nın Azərbaycanın Xalq artisti Şövkət Ələkbərovanın ifasında təqdim edilir.

Qeyd edək ki, geniş oxucu auditoriyası tərəfindən izlənən “Write Out Loud” ədəbiyyat portalı mütəmadi olaraq səhifələrində Uilyam Şekspir, Aleksandr Puşkin, Fridrix Şiller, Emili Dikinson, Pablo Neruda kimi dünyaşöhrətli şairlərin yaradıcılığına yer ayırır.

https://www.writeoutloud.net/public/blogentry.php?blogentryid=131934