აზერბაიჯანელი ხალხის გლოვისა და ღირსების დღე - 20 იანვარი

აზერბაიჯანელი ხალხის გლოვისა და ღირსების დღე - 20 იანვარი

 

32 წელი გადის 20 იანვრის ტრაგედიიდან, რომელიც აზერბაიჯანელი ხალხის მეხსიერებაში სამ უდამოდ აღიბეჭდა, როგორც სისხლიანი იანვარი

          

1990 წლის 19-20 იანვრის ღამეს,  11:30 საათზე, ყოველგვარი გაფრთხილების გარეშე  ბაქოში შემოიჭრა საბჭოთა კავშირის შეიარაღებული ძალების ნაწილი, რის შედეგადაც 147 მშვიდობიანი მოქალაქე დაიღუპა, 638 დაიჭრა და 841 კაცი კი უკანონოდ იქნა დაკავებული. ასევე ასობით ადამიანი გახდა დაუნდობელი ტანჯვა-წამების მსხვერპლი.  სისხლიანმა ჟლეტა-დარბევამ და ძარცვამ, რომელიც იმ დღეებში ბაქოში განხორციელდა, ასევე მოიცვა ქვეყნის მრავალ რეგიონი და ქალაქი. დაღუპულთა შორის აზერბაიჯანელებთან ერთად იყო 6 რუსი, 3 ებრაელი და 3 თათარი მოქალაქე, ასევე დაიღუპნენ ბავშვები, მოხუცები და ქალები ...

საბჭოთა იმპერიის მიერ განხორციელებული ვანდალური აგრესიის მთავარი მიზანი იყო აზერბაიჯანელი ხალხის ეროვნულ-განმათავისუფლებელი სულის ჩამხშობა და ბაქოში აღკვეთა მასობრივი საპროტესტო აქციებისა, რომლებიც მიმართული იყო სომხეთის პარლამენტის მთიანი ყარაბაღის სომხეთთან შეერთების შესახებ  იმავე წლის 9 იანვრის გადაწყვეტილების წინააღმდეგ.

რესპუბლიკაში გამეფებული ქაოსისა და განუკითხაობის მეორე დღეს, რომელიც გამოწვეული იყო რესპუბლიკის მაშინდელი ხელმძღვანელობის უნიათობითა და არაკომპეტენტურობით, მოსკოვში, აზერბაიჯანის რესპუბლიკის მუდმივ წარმომადგენლობაში გამართულ პრეს კონფერენციაზე აზერბაიჯანელი ხალხის საერთო ეროვნულმა ლიდერმა ჰეიდარ ალიევმა მკაცრად დაგმო მომხდარი და მას დემოკრატიული ფასეულებებისა და ადამიანის ფუნდამენტური უფლებების წინააღმდეგ მიმართული აქცია უწოდა.

დიახ, ამ სისხლიანმა ტრაგედიამ, რომელიც ზუსტად 32  წლის წინ მოხდა, გააერთიანა აზერბაიჯანში მცხოვრები ყველა ერის წარმომადგენელი, განურჩევლად ასაკისა, პროფესიისა და პოლიტიკური შეხედულებისა. ეს ერთიანობა გახლდათ სახალხო პროტესტი ვანდალური აქტის წინააღმდეგ, რომელიც არ ჯდებოდა არცერთ პოლიტიკურ, იურიდიულ თუ ადამიანურ ნორმებში. აზერბაიჯანში მოულოდნელად შემოჭრილი საბჭოთა ჯარების მიერ ჩადენილმა სამხედრო-პოლიტიკურმა დანაშაულმა გამოიწვია სრული უნდობლობა და სიძულვილი ყოფილი საბჭოთა იმპერიის მიმართ ...

გავიდა წლები და აზერბაიჯანელი ხალხი კვლავ გაერთიანდა და ერთ მიშტად შეიკრა. სიმტკიცე, რომელიც გამოვლინდა 44 დღიანი ომის შედაგად მიღწეულ ბრწყინვალე გამარჯვებაში, გახლდათ საყოველთაო ერთიანობის გამოვლინება, რომელიც გამსჭვალული იყო ხალხის უსაზღვრო ნდობით თავისი სახელმწიფოსადმი, ტრიუმფალური არმიისა და ქვეყნის მთავარსარდლის მიმართ!

32 წლის განმავლობაში, ყოველწლიურად 20 იანვარს, ასიათასობით ადამიანი იკრიბება მოწამეთა პანთეონში, რომელიც საკრალურ სივრცედ იქცა აზერბაიჯანელთათვის, აქ ტკივილით და სიყვარულით იხსენებენ აზერბაიჯანის თავისუფლების, დამოუკიდებლობისა და ტერიტორიული მთლიანობისათვის დაღუპულთა სულებს ...

 

 

 

და სხვა ...

  • თბილისში გაიმართა პრეზენტაცია წიგნისა „ჰეიდარ ალიევი და საქართველო“ თბილისში გაიმართა პრეზენტაცია წიგნისა „ჰეიდარ ალიევი და საქართველო“

    თბილისში გაიმართა პრეზენტაცია  "ჰეიდარ ალიევის წლის" ფარგლებში გამოცემული წიგნის "ჰეიდარ ალიევი და საქართველო". პარლამენტის ბიბლიოთეკის დიდ სააქტო დარბაზში გამართული ღონისძიება გახსნ საქართველოს მწერალთა კავშირის თავმჯდომარემ, რუსთაველის სახელმწიფო პრემიის ლაურეატმა მაყვალა გონაშვილმა; მან ისაუბრა ისტორიის რთულ პერიოდებში ჰეიდარ ალიევის გადამწყვეტ როლზე საქართველოს ეკონომიკურ და სოციალურ ცხოვრებაში და მის მიერ განხორციელებული ენერგეტიკული პროექტებზე, რომლებმაც ძირეულად შეცვალეს  რეგიონში არსებული პოლიტიკური და ეკონომიკური რეალობ. შემდეგ სიტყვა მისცა აზერბაიჯანის სახელმწიფო მთარგმნელობითი ცენტრის გამგეობის თავმჯდომარე, სახალხო მწერალ აფაგ ესუდს:

     

  • გამოიცა წიგნი - „ჰეიდარ ალიევი და საქართველო“ გამოიცა წიგნი - „ჰეიდარ ალიევი და საქართველო“

     

    საქართველოს ინტელიგენციისა და აზერბაიჯანის სახელმწიფო მთარგმნელობითი ცენტრის ერთობლივი ძალისხმევით გამოიცა წიგნი - „ჰეიდარ ალიევი და საქართველო“, რომელიც ეძღვნება მსოფლიო მასშტაბის პოლიტიკური მოღვაწის ჰეიდარ ალიევის 100 წლისთავს.

     

  • რუსული ლიტერატურის დაბრუნება აზერბაიჯანში რუსული ლიტერატურის დაბრუნება აზერბაიჯანში

    შედგა პრეზენტაცია წიგნებისა „პატარა გმირი“ (ფ.დოსტოევსკი) და „ჩევენგური“ (ა.პლატონოვი), რომლებიც გამოიცა აზერბაიჯანის სახელმწიფო მთარგმნელობით ცენტრსა და რუსეთის მთარგმნელობით ინსტიტუტს შორის თანამშრომლობის ფარგლებში...