საქართველოში გამოიცა გამოჩენილი პროზაიკოსის, აზერბაიჯანის სახალხო მწერლის ისა მუღანას თხზულებათა სქელტანიანი კრებული „სიცოცხლის ქარავანი“.

წიგნი, სახელმწიფო მთარგმნელობითი ცენტრის საერთაშორისო საგამომცემლო პროექტის ფარგლებში საქართველოს მწერალთა კავშირის მდიდარი ტრადიციის მქონე გამომცემლობა „მერანში“ დაისტამბა.

კრებულში შესულია მწერლის საყოველთაოდ ცნობილი ისეთი მოთხრობები, როგორებიცაა: „საზი“, „გამხმარი ტოტი“, „შმაგი“, „წლები და წვეთები“, „სარკიანი აჰადი“, „ორი კალო“, "შხამი“ და სხვა.

წიგნის ქართული თარგმანის ავტორია ცნობილი მწერალი და მთარგმნელი, საქართველოს სახელმწიფო პრემიის ლაურეატი, იმირ მამადლი, რედაქტორი - საქართველოს მწერალთა კავშირის თავმჯდომარე, ცნობილი ქართველი პოეტი მაყვალა გონაშვილია.